मुंबई, ५ जुलै, २६* आज झालेल्या मुसळधार पावसामुळे खोपोलीचा प्रसिद्ध झेनिथ धबधबा दुथडी भरून वाहत आहे.

मुंबई५जुलै२६* खोपोलीच्या प्रसिद्ध झेनिथ धबधब्यावर 111 पर्यटक अडकले! 3 तासांच्या थरारक बचाव मोहिमेनंतर सर्वांची सुखरूप सुटका

खोपोली, महाराष्ट्र, Upaajtak येथून पूनम भारती यांचा अहवाल

नमस्कार… आपण पाहत आहात यूपीआजतक.
रायगड जिल्ह्यातील खोपोली येथून एक मोठी बातमी समोर आली आहे. मुसळधार पावसामुळे खोपोलीचा प्रसिद्ध झेनिथ धबधबा दुथडी भरून वाहू लागला आणि धबधबा पाहण्यासाठी आलेले 111 पर्यटक पाण्यात अडकले.

आज झालेल्या मुसळधार पावसामुळे झेनिथ धबधब्याचा पाण्याचा प्रवाह अचानक वाढला. पाण्याचा अंदाज न आल्याने महिला, पुरुष आणि इतर पर्यटक असे एकूण 111 जण दोन वेगवेगळ्या ठिकाणी अडकून पडले.
घटनेची माहिती मिळताच खोपोली अग्निशमन दल, स्थानिक ग्रामस्थ आणि पोलीस प्रशासन तात्काळ घटनास्थळी दाखल झाले. जवळपास तीन तासांच्या अथक प्रयत्नांनंतर सर्व पर्यटकांची सुखरूप सुटका करण्यात आली.
या बचाव मोहिमेत स्वतःचा जीव धोक्यात घालून नारायण निरगुडे, भगवान निरगुडे, अक्षय जाधव, कुमार ढुमणे, राज ढुमणे, पोलीस पाटील वसंत पोळेकर, नारायण भगत, सचिन भगत, पवन निरगुडे तसेच विहारी ठाकूरवाडीतील ग्रामस्थ आणि खोपोली अग्निशमन दलाच्या जवानांनी मोलाचे योगदान दिले.
ग्रामस्थांनी सांगितले की, “मदत करणे हे आमचे परम कर्तव्य आहे आणि ते आमच्या रक्तात आहे.”
सुदैवाने या दुर्घटनेत कोणतीही जीवितहानी झाली नाही आणि सर्व पर्यटक सुरक्षितपणे बाहेर काढण्यात आले.

फोटो रिपोर्टर पूनम भारती,
यूपीआजतक, खोपोली, महाराष्ट्र.

#खोपोली #झेनिथधबधबा #मुसळधारपाऊस #RescueOperation #Maharashtra #Khopoli #ZenithWaterfall #TouristRescue #BreakingNews #UPAAJTAK #PoonamBharti #RainAlert #MaharashtraNews #Monsoon #ViralNews